Allohning mehri va yurtimiz tinchligi barakasi ila, Qo‘shtepa tumanidan haj safariga yo‘l olgan mo‘min-musulmon ziyoratchilarimiz bugun sog‘-omon vatanga qaytib keldilar. Uzoq safar, muqaddas joylar va ulug‘ ibodatlar ortidan yurtdoshlarimizning yuzlarida shukronalik, qalblarida esa cheksiz sabr, ixlos va duolar jo‘sh urmoqda. Ziyoratchilar Makka va Madina shaharlarida haj amalini to‘liq ado etib, bayramona ruhda yurtimizga qaytganliklari yurtimizdagi barcha musulmonlarimiz uchun ham quvonchli va barakali voqea bo‘ldi. 📍 Tuman hokimligi, Diniy qo‘mita va boshqa mas’ul idoralar tomonidan ziyoratchilarni kutib olish marosimi o‘tkazildi. U yerda ularning holidan xabar olindi, duolar qilindi va samimiy kutib olindi. 📿 Ushbu muborak safar orqali ziyoratchilarimiz nafaqat o‘z ruhlarini pokladilar, balki yurtimizga ham tinchlik, baraka va duolar bilan qaytdilar.